Монгол орны загас
Танин мэдэхүй
Монгол орны загаснуудын онцлог, амьдрах орчин, насжилт, тархалтыг нэг дороос.
Монгол орны загас
80 орчим зүйл
2025 оны Монгол орны Загасны Улаан дансанд Монголд 80 зүйл загас тэмдэглэгдсэнээс 76 зүйлийг үнэлсэн байна. FishBase-ийн бүртгэлд Монголын цэнгэг усны 83 зүйл загас бүртгэгдсэн байдаг.
Монголд бүртгэгддэг хамгийн том биетэй загас
Хилэм
Монголд Амарын хилэм болон Шивэр хилэм тэмдэглэгдсэн байдаг. Амарын хилэм зүйлээрээ 2.9 метр урт, 200 кг хүртэл өсөж чаддаг бөгөөд Монголд Онон голын адаг орчим маш ховор тэмдэглэгддэг. Шивэр хилэм Сэлэнгэ мөрөн болон Дэлгэрмөрөн, Орхон, Туул, Идэрийн адаг орчимд тэмдэглэгдсэн бөгөөд Дэлгэрмөрөнд 1.4–1.5 метр урт, 36 кг орчим бодгаль бүртгэгдсэн байдаг.
2.9 м / 200 кг нь Амарын хилэм зүйлийн бүртгэгдсэн дээд хэмжээ бөгөөд Монголд яг ийм хэмжээтэй бодгаль бүртгэгдсэн гэсэн утга биш.
Манай санд байгаа хамгийн том загас
Тул
Zagaschin.mn-д одоогоор бүртгэлтэй загасны төрлүүдээс Тул хамгийн том биетэй. Тул нь дэлхийн хамгийн том хулдын овгийн загас бөгөөд 2 метр хүртэл урт, 100 кг-аас давсан бодгаль бүртгэгдсэн байдаг.
Мэдээллийн эх сурвалж: Монгол орны загасны Улаан данс ба хамгаалал (2025), FishBase.